Maríukirkja

Maríukirkja Forsíða English Tengingar Stjarna Hafsins Prédikanir Myndir Fyrir börn Faðir Róbert Bradshaw Séra Lambert Kaþólsk trú Ritningarlestrar Guðleg miskunn Brautryðjendur Medjugorje Rósakransbænin Móðir hins eilífa hjálpræðis Verndardýrlingur Íslands Móðir Teresa Dýrlingur dagsins Almennar bænir Heilræði Trúfræðslurit Kirkjunnar Humanae Vitae Evangelium Vitae Dominus Iesus Fróðleikur Jóhannes Páll II Trúarjátning Guðs lýðs Lífsvernd

Yfirlit yfir prédikanir

Prédikun séra Denis. 11. maí 2003

Í dag er köllunarsunnudagur, alþjóðlegur dagur bæna um kallanir, að margt ungt fólk muni játast Guði við kölluninni að gerast prestur eða nunna.

Jesús, sem er góði hirðirinn, var um það bil þrjátíu og þrjú ár í þessum heimi. Síðustu þrjú árin boðaði hann fólki, fagnaðarerindið um Guð. Þeir sem hlustuðu á hann öðluðust von. Áður en hann hélt aftur til himna valdi Jesús hóp fólks til að halda áfram því starfi sínu að breiða út fagnaðarerindið. Þetta fólk voru postular hans og lærisveinar.

Jesús gaf postulunum kraft sem aðrir lærisveinar hans fengu ekki. Til dæmis kraft að breyta brauði og víni í líkama hans og blóð og vald til að fyrirgefa syndir. Jesús veitti einnig postulunum vald til að kenna fólki á sama hátt og hann sjálfur hafði gert.

Heilagur Páll skrifar: “Vér erum því erindrekar Krists, eins og það væri Guð, sem áminnti, þegar vér áminnum. Vér biðjum í Krists stað: Látið sættast við Guð. Sem samverkamenn hans áminnum vér yður einnig, að þér látið ekki náð Guðs, sem þér hafið þegið, verða til einskis.”
(2. Kor. 5:20, 6:1)

En öllum lærisveinum sínum bauð Jesús að breiða út fagnaðarerindið. Þannig höfum við öll hlutverki að gegna.

Hinn heilagi faðir, Jóhannes Páll páfi, hefur við ýmis tækifæri hvatt til bæna og að unnið verði að því að kallanir til prests og klausturlífs aukist í kaþólsku kirkjunni. Nú á okkar tímum heldur Jesús áfram að kalla ungt fólk til að gerast prestar og nunnur svo að þau megi boða nútíma heimi sama fagnaðarerindið.

Kaþólsk trú okkar, kennir okkur að Jesús hafi eitthvað í huga fyrir sérhvert okkar. Suma kallar hann til að helga líf sitt til þjónustu við sig. Ekki eru allir kallaðir á þann hátt. Jesús veldur þá sem hann vill. Það sem við verðum að gera er að biðja stöðugt að þau sem Jesús kallar muni vera það göfuglynd að segja já þegar þau eru kölluð.

Í Jesaja lesum við:
"Drottin sagði: “Hvern skal ég senda? Hver vill vera erindreki vor?” Og ég sagði: “Hér er ég, send þú mig!”
(Jes 6:8)

Við vinnum að því að auka kallanir með því:

að biðja fyrir köllunum til vígðra starfa,

að fræða kaþólsk ungmenni um þau mikilvægu störf sem kaþólskir prestar og nunnur inna af hendi,

að hvetja kaþólsk ungmenni til að íhuga hvort Guð sé að kalla þau til að gerast kaþólskur prestur eða nunna.

Starf kaþólsk prests er að þjóna Guði og lýð hans með eftirfarandi hætti:

að messa,

að gefa fólkinu sakramentin,

að predika og kenna,

að vera andlegur faðir þess fólks sem hann annast.

BÆN
"Ó himneski Jesú, þú kenndir okkur að biðja til Drottins uppskerunnar til að senda verkafólk til uppskerunnar.
Veittu kirkjunni í þessu biskupsdæmi og um allan heim, marga heilaga presta og nunnur.
Samkvæmt vilja þínum megi þau gefa hæfileika sína, krafta, kapp og kærleika til vegsemdar föður þínum, til þjónustu við aðra, og sáluhjálpar.
Ef að það mun þóknast þér að velja einhvern úr okkar fjölskyldu til að verða prestar eða nunnur, þá munum við þakka þér af öllu hjarta okkar, núna og ætíð. Amen.”

Látum við biðja daglega fyrir köllunum!