Prédikun séra Denis, Sunnudag 2. maí 2004
Í dag er köllunarsunnudagur, alþjóðlegur dagur bæna um kallanir, að margt fólk muni játast Guði við kölluninni að gerast prestur, nunna eða trúboði.Áður en Jesús, sem er góði hirðirinn, hélt aftur til himna, valdi hann hóp fólks til að halda áfram því starfi sínu að breiða út fagnaðarerindið. "Allt vald er mér gefið á himni og jörðu. Farið því og gjörið allar þjóðir að lærisveinum, skírið þá í nafni föður, sonar og heilags anda, og kennið þeim að halda allt það, sem ég hef boðið yður. Sjá, ég er með yður alla daga allt til enda veraldar." (Mt. 28.18-20)
Hann gaf þeim vald að breyta brauði og víni í líkama hans og blóð og vald til að fyrirgefa syndir. Jesús veitti þeim einnig vald til að kenna fólki á sama hátt og hann sjálfur hafði gert.
Nú á okkar tímum heldur Jesús áfram að kalla fólk til að gerast prestar, nunnur og trúboðar svo að þau megi boða nútíma heimi fagnaðarerindið.
Jesús hafi eitthvað í huga fyrir sérhvert okkar. Suma kallar hann til að helga líf sitt til þjónustu við sig. Biðjum stöðugt að þau sem Jesús kallar muni vera það göfuglynd að segja já þegar þau eru kölluð, eins of Jesaja.
Í Jesaja lesum við: "Drottin sagði: "Hvern skal ég senda? Hver vill vera erindreki vor?" Og ég sagði: "Hér er ég, send þú mig!" (Jes 6:8)
Við vinnum að því að auka kallanir með því:
- að biðja fyrir köllunum til vígðra starfa,
- að fræða ungmenni um þau mikilvægu störf sem prestar, nunnur og trúboðar inna af hendi,
- að hvetja ungmenni til að íhuga hvort Guð sé að kalla þau.
Í messunni í dag er Jesús kynntur sem góði hirðirinn. Hann er fyrirmynd allra presta. Jesús er góði hirðirinn, sem leiðir og verndar fólk sitt. Hann ber særða sauðinn og leitar hins týnda. Hann leiðir sauði sína í öruggt skjól, fæðir þá og gefur þeim að drekka. Þetta er hlutverk sérhvers prests, sem hlutdeild á í prestdómi Jesú, sem er hinn æðsti prestur.
Við skulum biðja fyrir köllunum:
BÆN
"Ó himneski Jesú,
þú kenndir okkur að biðja til Drottins uppskerunnar til að senda verkafólk til uppskerunnar.
Veittu kirkjunni í þessu biskupsdæmi
og um allan heim, marga heilaga presta og nunnur.
Samkvæmt vilja þínum megi þau gefa hæfileika sína, krafta, kapp og kærleika til vegsemdar föður þínum, til þjónustu við aðra, og sáluhjálpar.
Ef að það mun þóknast þér
að velja einhvern úr okkar fjölskyldu
til að verða prestar eða nunnur,
þá munum við þakka þér af öllu hjarta okkar, núna og ætíð. Amen."