Maríukirkja

Maríukirkja Forsíða English Tengingar Stjarna Hafsins Prédikanir Myndir Fyrir börn Faðir Róbert Bradshaw Séra Lambert Kaþólsk trú Ritningarlestrar Guðleg miskunn Brautryðjendur Medjugorje Rósakransbænin Móðir hins eilífa hjálpræðis Verndardýrlingur Íslands Móðir Teresa Dýrlingur dagsins Almennar bænir Heilræði Trúfræðslurit Kirkjunnar Humanae Vitae Evangelium Vitae Dominus Iesus Fróðleikur Jóhannes Páll II Trúarjátning Guðs lýðs Lífsvernd

Yfirlit yfir prédikanir

Prédikun séra Denis, Sunnudag 2. febrúar 2003, Kyndilmessa

Ef við viljum heiðra Guð, hljótum við efalaust að heiðra móður hans

Þennan dag minnumst við dagsins fyrir um það bil 2000 árum, þegar María og Jósef komu með barnið Jesú í musterið í Jerúsalem. Þau fóru í musterið vegna þess að það var siður hjá Gyðingum að færa fyrsta drengbarnið sem fórn til Guðs.

Guð hafði valið Maríu til að vera móður Jesú og Jesús vildi vera henni fullkomlega háður. Í lífi sínu hér á jörð færði Jesús sönnur á þessa hollustu sína við móður sína. Hann eyddi þremur árum lífs síns til að kenna opinberlega og prédika fyrir fjöldanum, en heilum þrjátíu árum ævi sinnar eyddi hann með móður sinni í kyrrþey. Á þessum árum sýndi Jesús Maríu hlýðni og ástúð og þjónaði henni af alhug. Ríkti á milli þeirra svo mikil eining og samhugur að unun er að hugleiða.

En Jesús á að vera fordæmi okkar í öllu. Hann sagði: “Ég er vegurinn, sannleikurinn og lífið.” Við verðum að líkja eftir honum eins vel og við getum ef við viljum vera sannir fylgjendur hans. Þannig að við eigum að elska og þjóna Maríu eins og Jesús gerði.

Við gleymum aldrei að María er aðeins sköpuð vera eins og við, þannig að hún skipar óendanlega lægri sess en Guð. En þegar Guð skipulagði sköpunina og hjálpræði mannanna, ákvað hann að útvelja hana til þess að vera móðir einkasonar síns; og hjálpræði alls mannkynsins myndi vera komið undir frjálsu samþykki hennar, samkvæmt ósk Guðs.

Og þar af leiðandi elskum við og heiðrum Maríu af eftirfarandi ástæðum:

1. Í fyrsta lagi er hún móðir Guðs. Þar sem hún er það, er heilagleiki hennar og virðuleiki nærri því ofvaxinn skilningi okkar.
2. Í öðru lagi er María meistarastykki sköpunar Guðs. Hún er fegurst og dásamlegust, hið hreinasta sem Guð hefur nokkru sinni skapað. Ef við dáumst að þessu meistaraverki Guðs, skilst okkur en betur en áður, hversu mikil er gæska, fegurð og máttur hans sjálfs. María hefur verðuglega verið kölluð “spegill Guðs hins hæsta.”
3. Í þriðja lagi elskum við og heiðrum Maríu af því að hún er líka móðir okkar. Jesús lýsti því yfir við allan heiminn af krossinum á Golgata, að hann gæfi okkur móður sína svo að hún yrði einnig móðir okkar: "Sjá, þar er móðir þín.” (Jóh19: 27)

Og því er það, að eins og hvert eitt barn, á þessari jörð, talar við mannlega móður sína, þannig eigum við einnig að tala kunnuglega við Maríu, hina himnesku móður okkar, í bænum okkar. Þannig er, að þar sem Jesús Kristur lifir á ný lífi sínu í okkur, fyrir náðin, þá er það í rauninni Jesús sjálfur sem notfærir sér líf okkar, hjörtu okkar og hendur, til þess að elska móður sína og þjóna henni enn á ný á þessari jörðu, eins og hann gerði fyrir löngu í Palestínu.

María er móðir okkar og við eigum að elska hana heitt. Því skulum við snúa okkur oft til hennar í bænum okkar.