Prédikun séra Denis, Sunnudag 28. september 2003
Við sjáum í fyrri lestrinum að Móse var ekki afbrýðisamur þegar tveir utangarðsmenn meðtóku spádómsanda.Hins vegar voru postularnir afbrýðisamir og tóku því illa þegar einhver sem ekki var fylgjandi Jesú rak út illan anda í hans nafni. Þeim fannst að enginn annar hefði rétt á að nota nafn Jesú. En vegir Guðs eru ekki okkar vegir. Postularnir vora mjög undrandi þegar Jesús neitaði að stöðva manninn.
Áminningin sem Jesús reynir að gefa postulunum hér er sú að þeir verða að vera umburðarlynd gagnvart öllum sem gera góða hluti. Þetta eiga þeir að gera af því að allir góðir hlutir eru frá Guði komnir.
Gott dæmi fyrir okkur er afstaða okkar til annarra kristinna trúarhópa. Guð gerir dásamlega hluti fyrir tilstilli margra þeirra kristnu trúarhópa sem til eru í dag. Margir sem innan þessara trúarhópa eru, hafa sterka trú á Jesú Kristi og Guð blessar þá.
En kirkjudeildir eru samt ólíkar.
Munurinn á kaþólsku kirkjunni og öðrum kristnum kirkjum er hægt að útskýra
þannig:
Í sérhverri kristinni trúarhópi er að finna, í mismiklum mæli, kenningar,
boðorð og sakramenti sem Jesús veitti kirkjunni þegar hann stofnaði hana.
Sumar hafa meira, aðrar minna. Þetta er svipað því að hafa mörg glös sem
vín er í. Í sumum glösunum er mikið vín en minna er í öðrum. Rétt eins og
vínið í sérhverju glasi er gott, þannig finnum við margt gott í hverju
hópi. En einungis eitt glasanna er alveg fullt og aðeins ein kirkja hefur
allar kenningarnar, boðorðin og sakramentin. Það er kirkjan sem Jesús
Kristur sjálfur stofnaði.
Við lesum í "Dominus Iesus": "Þess er krafist af þeim sem játa kaþólska trú að þeir játi að það sé söguleg samfelld milli kirkjunnar sem Kristur stofnaði og kaþólsku kirkjunnar. Raunar er þessa einu kirkju Krists "að finna þar sem er hin kaþólska kirkja sem stjórnað er af arftaka Péturs og biskupunum með honum"
Það er mikill munur á kaþólsku kirkjunni og öðrum kristnum kirkjum. Hér er nóg að benda á þrjú mikilvæg atriði sem einkenna kaþólsku kirkjuna:
- Fyrst er það að æðsta stjórn hennar er í höndum páfans. Kaþólska kirkjan lætur til sín heyra um allan heim, ótrírætt og ákveðið og segir frá kenningu um Jesú.
- Í öðru lagi höfum við presta sem lesa heilaga messu og í messunni gerist það kraftaverk að við helgun brauðsins og vínsins breytist það í raunverlegan líkama og blóð Jesú Krists, þannig að við höfum Krist hjá okkur, raunverlegan og lifandi í mannlegu eðli sínu. Jesús Kristur í hinu allrahelgasta altarissakramenti er sannur Guð og sannur maður.
- Í þriðja lagi höfum við, í kaþólsku kirkjunni skriftirnar, sakramentið þar sem okkur eru fyrirgefnar syndir okkar. Þetta vald til að fyrirgefa syndir, sem Jesús fól Pétri og kirkju sinni, færir mönnum raunverulegt frelsi, mikinn sálarfrið, náð og styrk til þess að berjast á ný gegn syndinni í lífi okkar.