Maríukirkja

Maríukirkja Forsíða English Tengingar Stjarna Hafsins Prédikanir Myndir Fyrir börn Faðir Róbert Bradshaw Séra Lambert Kaþólsk trú Ritningarlestrar Guðleg miskunn Brautryðjendur Medjugorje Rósakransbænin Móðir hins eilífa hjálpræðis Verndardýrlingur Íslands Móðir Teresa Dýrlingur dagsins Almennar bænir Heilræði Trúfræðslurit Kirkjunnar Humanae Vitae Evangelium Vitae Dominus Iesus Fróðleikur Jóhannes Páll II Trúarjátning Guðs lýðs Lífsvernd

Yfirlit yfir prédikanir

Prédikun séra Denis, Sunnudag 23. maí 2004

Í fyrsta ritningarlestrinum í dag heyrðum við sögu um Heilag Stefán sem var fyrsti píslarvottur sem dó fyrir Jesú. Við vitum að hann var góður maður, fullur af heilögum anda og vísdómi. Hann var heilagur maður.

Sál, sem við þekkjum betur sem Pál postula, var viðstaddur morðið á Stefáni. Hugsanlega hefur hugrekki hins fyrsta píslarvotts orðið til þess að sá fræjum trúarinnar í hjarta Páls.

Þegar Jesús var hér á jörðinni, sagði hann fólki hvernig það gæti tekið framförum í heilagleika. Þessu starfi héldu postularnir og eftirmenn þeirra áfram og kirkjan hefur í 2,000 ár kennt fólki.

Í guðspjalli dagsins segir Jesús: Ég bið ekki einungis fyrir þessum, heldur og fyrir þeim, sem á mig trúa fyrir orð þeirra ......... (Jn17.20)

Í því skyni að helga fólk, hefur kirkjan gefið út fjölda góðra bóka, sem kenna hvernig á að verða heilagur. Í þessum bókum má lesa ævisögu dýrlinga og hvað þeir sögðu og gerðu. Við getum líka lesið það sem dýrlingar hafa sjálfir skrifað um leiðina til heilagleika. Þessar bækur veita okkur ágætar fyrirmyndir til að breyta eftir.

Þetta er ein af ástæðunum fyrir því að kirkjan hefur alltaf sýnt dýrlingunum mikla virðingu. Það er ekki aðeins, að þeir biðji fyrir okkur; nei, þeir sýna okkur einnig hvernig á að lifa góðu lífi.

Það eru fjögur aðalatriði sem dýrlingarnir benda á í ritum sínum um heilagleikann.

1. Áform Guðs. Grundvöllur heilagleikans er að gera sér grein fyrir því, að Guð hefur áform fyrir alla, mig líka, og að vinna samkvæmt því áformi. Þessi trú á áform Guðs er hluti af trú okkar. Það veitir lífi okkar stefnu.
2. Sjálfsþekking. Hverjar eru dyggðir mínar og styrkur? Hverjar eru syndir mínar og veikleikar? Að öðlast heiðarlega sjálfsþekkingu er ekki auðvelt en ef okkur hefur tekist að ná henni er hún dýrmæt eign. Við verðum að reyna að svara þessari spurningu: "Hversu fús er ég til að gefa mig Guði og þjóna honum einum?" "Hversu örlát er ég í raun gagnvart Guði?" Til eru mismunandi stig af guðrækni:
   1. Það fyrsta er þegar við gerum okkar besta til að forðast dauðasynd.
   2. Annað er þegar við reynum einnig að forðast smásyndir.
   3. Það þriðja er þegar við reynum að líkja eftir Jesú á allan hátt. Vegna þess að hann var fátækur, auðmjúkur og þjáðist, þá reynum við að lifa á sama hátt af kærleika til hans. Við viljum líkjast Jesú, sem við elskum.
3. Hagnýtar ákvarðanir. Rökhyggja hins andlega lífs kaþólskara manna er mjög einföld. Þekking okkar á Guði og þekking um okkur sjálf hjálpar okkur til þess að velja markmið í lífinu: Guð eða eitthvað annað. Heilagleiki er gjöf frá Guði en okkur er frjálst að þiggja eða hafna þeirri gjöf. Við verðum að ákveða.
4. Stefna lífsins. Ég verð að hafa stefnu í lífi mínu sem hæfir kringumstæðum mínum, en er ákveðin, raunveruleg og stöðug.

Heilagur Stefán er okkur fyrirmynd hugrekkis og hann kennir okkur að fyrirgefa óvinum okkar. Hann sýnir okkur að sá sem er fullur hefndar og vill ekki fyrirgefa getur ekki gengið í fótspor Jesú. Það felst mótsögn í því, annars vegar að vera kristinn og hins vegar að neita að fyrirgefa eða að vera hefnigjarn. Hinn sanna anda kristindómsins er að finna í kærleikum og fyrirgefningu. Fátt afskræmir sanna trú meira en kristinn maður, sem í stolti sínu vill ekki fyrirgefa.

Heilagur Stefán - bið fyrir oss. Heilagur Páll - bið fyrir oss.