Prédikun séra Denis, Sunnudag 29. ágúst 2004
Ágallar mannsins eru sjöAuðmýktin er megininntak guðspjalls dagsins. Heilagur Antoníus mikli sagði eitt sinn: "Ég sá ginningar óvinarins hvert sem litið var og ég sagði: "Hvað fær staðist slíkar ginningar?" Og ég heyrði rödd sem sagði við mig: "Auðmýktin.""
"Hversu vel þekki ég sjálfan mig?" Spurningin er mikilvæg vegna þess að ef við reynum að svara henni getur það þroskað andlegt líf okkar. Það gerir okkur kleift að sjá okkur í því ljósi sem Guð sér okkur. Þetta er að sjálfsögðu merking sannrar auðmýktar - að sjá sjálfan sig í því ljósi sem Guð sér okkur. Engin sýndarmennska, ekkert falið. Við birtumst eins og við erum í raun og veru með alla okkar kosti og galla
Til að reyna að skilja betur hvern mann við höfum að geyma, ættum við að gera lista yfir allar okkar góðu hliðar, hæfileika og svo framvegis og gera síðan lista yfir slæmu hliðar okkar og galla.
Ef við gerum þetta í fullri einlægni þá mun það reynast okkur mikilvægur stuðningur í bænalífinu og á leið okkar til andlegs þroska. "Góði" listinn sýnir okkur þær gjafir sem Guð hefur gefið okkur. Og ef við íhugum þessar gjafir mun það örva okkur til að færa Guði þakkir, vegna þess að við munum þá sjá enn betur hversu mikið við eigum honum að þakka.
"Slæmi" listinn mun hjálpa okkur að biðja á annan hátt því hann mun sýna okkur fram á, hvaða þætti í fari okkar, við verðum að bæta til að þroskast og verða heil. Það er hér sem við sjáum galla okkar og þær syndir sem við drýgjum oftast og því verðum við að biðja Guð um fyrirgefningu.
Sá möguleiki er fyrir hendi að við komum auga á einn sérstakan galla í fari okkar á nokkrum stöðum en þó á mismunandi hátt. Það er ekki óalgengt að fólk hafi einn ráðandi galla. Það gæti verið reiði, leti eða öfund til að taka dæmi, en gott að gera sér grein fyrir þeim galla sem mest er ráðandi í fari okkar. Veist þú hver þinn galli er? Gallinn sem er ráðandi í fari okkar er oft megin hindrunin til andlegs þroska.
Galli og synd er ekki það sama. Galli er veikleiki í skapgerð okkar sem gerir okkur auðveldara fyrir að drýgja vissar syndir. Ágallinn er varanlegur nema við losum okkur við hann. Aftur á móti er syndin eitthvað sem við drýgjum á gefnu augnabliki.
Eða gallinn sé rótin og syndin laufblöðin. Það er þannig með arfann sem við reynum að reita í garðinum að það er ekki nóg að slíta blöðin, við verðum einnig að rífa upp ræturnar. Að öðrum kosti munu laufblöðin vaxa fljótt aftur. Það sama á við syndina í lífi okkar, hún mun endurtaka sig nema því aðeins að við losum okkur við þann ágalla sem veldur henni.
Að megin hluta eru ágallar mannsins sjö. Suma þeirra höfum við öll í einhverju mæli. Jesús talar um þann fyrsta í guðspjalli dagsins -
Þetta eru sjö megin ástæður þess að við syndgum. Það verður okkur til góðs ef við komumst að raun um hverjir af ofangreindum göllum hrjá okkur.