Ritningarlestrar fyrir Sunnudagsmessu
Hátíð Maríu Meyjar, ár B
Fyrsti ritningarlestur:
Fjórða bók MóseDrottinn talaði við Móse og sagði: "Mæl þú til Arons og sona hans og seg: Með þessum orðum skuluð þér blessa Ísraelsmenn: Drottinn blessi þig og varðveiti þig! Drottinn láti sína ásjónu lýsa yfir þig og sé þér náðugur! Drottinn upplyfti sínu augliti yfir þig og gefi þér frið! Þannig skulu þeir leggja nafn mitt yfir Ísraelsmenn, og ég mun blessa þá."
Sálmur:
Guð sé oss náðugur og blessi oss, hann láti ásjónu sína lýsa meðal vor, [Sela] svo að þekkja megi veg þinn á jörðunni og hjálpræði þitt meðal allra þjóða. Gleðjast og fagna skulu þjóðirnar, því að þú dæmir lýðina réttvíslega og leiðir þjóðirnar á jörðunni. [Sela] Lýðirnir skulu lofa þig, ó Guð, þig skulu gjörvallir lýðir lofa. Guð blessi oss, svo að öll endimörk jarðar megi óttast hann.
Síðari ritningarlestur:
Bréf Páls til GalatamannaEn þegar fylling tímans kom, sendi Guð son sinn, fæddan af konu, fæddan undir lögmáli, - til þess að hann keypti lausa þá, sem voru undir lögmáli, - og vér fengjum barnaréttinn. En þar eð þér eruð börn, þá hefur Guð sent anda sonar síns í hjörtu vor, sem hrópar: "Abba, faðir!" Þú ert þá ekki framar þræll, heldur sonur. En ef þú ert sonur, þá ert þú líka erfingi að ráði Guðs.
Guðspjall:
LúkasarguðspjallOg þeir fóru með skyndi og fundu Maríu og Jósef og ungbarnið, sem lá í jötu. Þegar þeir sáu það, skýrðu þeir frá því, er þeim hafði verið sagt um barn þetta. Og allir, sem heyrðu, undruðust það, er hirðarnir sögðu þeim. En María geymdi allt þetta í hjarta sér og hugleiddi það. Og hirðarnir sneru aftur og vegsömuðu Guð og lofuðu hann fyrir það, sem þeir höfðu heyrt og séð, en allt var það eins og þeim hafði verið sagt. Þegar átta dagar voru liðnir, skyldi umskera hann, og var hann látinn heita Jesús, eins og engillinn nefndi hann, áður en hann var getinn í móðurlífi.